Temporary, disposable email address spam ko aapke main inbox se bahar rakhne me madad karta hai. Aur ye apke liye tab zyada useful rahta hai jub aap internet pe apna real email address dena nahi chahte hai. Aaj is post me hum aapko batayenge ke aap temporary email address kaise banaye?
Jub aap apna real email address kisi website pe share karna nahi chahte hai to temporary email address aapke liye bahut helpful hota hai. Bahut sare services hai jaise 10 Minute Email, Mailinator and MailDrop jo aapke main email address ko temporary alias mask karte hai aur aapke inbox ko potential spam se save rakhta hai.
Disposable email address ko use karne ka sirf ek problem ye hai ke iske liye aapko kuch extra kaam karna hoga. Sab se pahle aapko ek temporary address generate karna hoga, iske baad aapko ise web form me paste karna hoga aur aapko disposable inbox ko kisi new mail ke liye manually check karna hoga. Aur agar aapko dusre din temporary address phir se chahye hoga to aapko is process ko repeat karna hoga.
Gmail Disposable Email Address
Yahan pe humne ek simplified workflow ko bataya hai jise aap ek disposable email service provider ki tarah use kar sakte hai.
Yahan pe aapko sirf ek temporary email address ko yaad rakhna hoga, aur jub bhi aapko internet pe us email ko share karne ki zaroorat hogi to aapko ek expiry date attach karna hoga.
Expiry date ke baad aapke disposable Gmail account me bheje gaye email ko automatically kharij kar diya jata hai, aur expiry date se pahle aaye emails ko aapke main account me forward kar diya jata hai.
Maan lijye ke aapka temporary email address ram@gmail.com hai. Aapko kisi website pe form ko fill karna hai jisme aapke email address ki zaroorat hai, isliye aap sign-up field me ram+mmdd@gmail.com enter kare yahan pe mmdd wo month aur date hai jub tak ye disposable email valid rahega.
Jaise ke agar aap kisi email address ko is tarah ram+0623@gmail.com se dekhte hai to iska matlab hai ke ye June 23 tak valid rahega, aur ispe bheje gaye email ko aapke main account pe forward kar diya jayega. Aur is date ke baad kisi bhi email ko automatically ignor kar diya jayega.
Aap sirf apne temporary email ram+12312020@gmail.com me year ko mmddyyyy format me specify kar sakte hai.
Gmail Me Apna Khud Ka Temporary Email System BanayeGoogle Script is monitoring the temporary inbox
Apna khud ka disposable email system banane ke liye aap niche diye gaye steps ko follow karen:
- New Gmail address create kare (link)
- Jub aap apne new Gmail account me login hote hai, to aap apne account me Google script ki copy banane ke liye yah click kare.
- Google Script ke andar, line #13 me jaye aur waha pe diye gaye email address ko apne email se replace kar den jis pe aap temporary emails forward karna chhate hai.
- Iske baad Run menu pe jaye aur Run Function ko choose kare aur Initialize ko select kare. Google script ko authorize kare aur aapka disposable email system run karne lagega.
Script aapke Gmail inbox ko har 5 minutes ke baad check karega aur message To field ke expiry date ke base pe wo aapke message ko process karega. Aapko ise sirf ek baar set karna hai aur uske baad aapko kuch bhi nahi karna hoga.
Aapka disposable address hamesha ke liye chalega aur ye aapke main inbox ko spam se bachayega.
Temporary Email Kaam Kaise Karta Hai?
Google Script temporary inbox ko Gmail API ki help se monitor karta hai. Agar ise koi new email milta hai jiska expiry date future me hota hai to ye simply ise aapke main email account pe forward kar deta hai. Aur agar aisa nahi hua to ye message ko archives kar deta hai.